- Тус ордон нь 1959 онд Налайх дүүргийн Их уурхайн дэргэд Уурхайчдын Соёлын ордон нэртэйгээр байгуулагдсан.
- 1991 онд Соёлын төв болон 19 хүний ороон тоотой, аж ахуйн тооцоотой ажиллаж байв. Энэ үед хотын клуб, кино театр харьяалагдаж байжээ.
- 1998 онд Дүүргийн Засаг даргын А/193 тоот захирамжаар Соёлын төвийг сургалт арга зүйн төвтэй нэгтгэн Боловсрол, соёлын төв болгон өөрчилжээ.
- 2001 онд Дүүргийн Засаг даргын Б/09 тоот захирамжаар Боловсролын хэлтэс шинээр байгуулан Соёлын төвийг бие даалган ажиллуулах болжээ.
- 2005 оноос Дүүргийн Засаг даргын 90 дүгээр захирамжаар Соёл, гэгээрэл, хүүхэд хөгжлийн төв болгон албан бус боловсрол, хүүхдийн асуудлыг харьяалуулсан байна.
- 2008 оноос Соёл, хүүхдийн хөгжлийн төв болгон өөрчилж харьяалалд нь хүүхдийн хөгжлийн асуудлыг харьяалуулсан байна.
- 2009 оны 2 сараас эхлэн Дүүргийн Засаг даргын 29 дүгээр захирамжаар Соёл урлагийн ордон болгон ажиллаж байна.
